Mundart.Lyrik.Prosa.Autorin

Aktuell 

2. Platz beim 1. Pielachtaler Dialekt-Poetry Slam

mehr ...

 

Gedicht des Monats

Dea Kaffee

erschienen Oktober 2006 im
Tiroler Literaturmagazin Cognac & Biskotten:
Ausgabe Nr.24 - Die literarische Tischdecke -
Die literarische Tischdecke

Motto "Koffein & Kuchen" zum Thema "Kaffeehausliteratur"
9. Jahrgang, 2006 Innsbruck
Auflage 150 Stück (limitiert/nummeriert)
ISSN: 1818-1716

 

Dea Kaffee, der wirkt bei mir
ois wia a Lebmselexia.
Waun i kan kriag glei in da Frua,
hob i fian gaunzn Dog voi gnua.

Gib erst des Füter sorgsam rein
und füll des Pulver nocha ein,
hob do scho so a grosse Freid:
des wiard a guada Dog wean heit.

Schee laungsaum tropft des Wossa daunn,
in’d nigl-neiche Thermoskaunn'.
Do kummt a Punkt, der is goa schlimm:
wei i so ungeduldig bin.

Des Häferl hob i scho parat,
mein Gott, des dauert, akkurat,
waun i’n so dringend hobm wü –
doch hoit: d’Maschin is eh scho schtü.

I schenk ma ein und ... wie fatal!
schmeckt des am End goa noch ... Substral?
Verdaummt, jetz foits ma wiedar ein,
de Bleamln vun da Lilli – Nein!

Sie hod de Kau’l gestern g’nutzt,
doch bleda Weise nimma putzt.
„Frau Mülla, i buag ma’s nua aus …“
Des Endergebnis is a Graus.

Den Kaffee, mein’ Seelentröster,
mei Ein und Olles, frisch geröster,
den laa i draußen jetz' ins Klo -
im Geist … murks i de Lilli o'.

 

© Sabine Szukitsch

Cafe Central Innsbruck

Foto: Cognac & Biskotten, Innsbruck